Bacon en mushroom sous

Hierdie een bou ek sommer so op gevoel, maar hier is min of meer hoe dit werk:

2 uie, fyn gekap

250g gesnipperde bacon

een pakkie vars mushrooms / een blikkie gesnipperde mushrooms

250ml room

sampioenroomsop

melk

sout en swartpeper na smaak

Braai die uie in klein bietjie olie tot deurskynend. Gooi die bacon by en braai tot bros. Gooi die mushrooms by en braai so 5 minute. Meng die room met die helfte van die soppoeier, en vul aan met melk tot 500ml. Voeg by die bacon mengsel. Verhit tot kookpunt. Verlaag hitte en laat prut vir 10 minute.

Jy kan dit maklik meer maak met die res van die soppoeier en nog melk. Bepaal ook hoe dik jy dit wil hê deur nog bietjie soppoeier by te gooi.

Heerlik saam met braaivleis en pap, oor steak, net so op buns, en die kinders is gewoonlik mal daaroor. Enjoy!

Rotskoekies

Hierdie koekies word nie gebak nie. Werk vinnig wanneer jy die hopies uitskep, want dit set nogals gou.

500ml suiker

125ml melk

125ml kakao

125ml botter

125ml grondboontjiebotter

5ml vanieljegeursel

sowat 5 x 250ml hawermout of meusli of ‘n mengsel van die twee

Plaas die suiker, melk, kakao en botter in ‘n kastrol en bring tot kookpunt terwyl gedurig geroer word. Verlaag die hitte en prut dan sowat 3-5 minute lank.

Verwyder van hitte en roer die grondboontjiebotter en vanieljegeursel by. Voeg net genoeg hawermoutmengsel by totdat die mengsel stewig is.

Skep hopies met twee teelepels op velle waspapier en laat staan tot stewig. Lewer sowat 46 hopies.

Gebraaide lewer en uie

400g beeslewer

60ml melk

50ml koekmeelblom

varsgemaalde swartpeper na smaak

5ml botter

10ml olie

1 groot ui, in skywe gesny

Verwyder vliesies en buisies van lewer en sny in skywe van 15 mm dik. Plaas in ‘n plat glasbak en skep melk oor lewer, laat minstens 1 uur staan. Dreineer.

Skep meel, sout en peper in ‘n plastieksakkie en skud ‘n paar skywe op ‘n slag in die meel om dit goed te bedek. Hou 30 minute lank in koelkas.

Verhit botter en olie oor matige hitte en braai ui tot sag en deurskynend. Skep met gaaitjieslepel uit en hou eenkant.

Braai lewer net aan die een kant tot bruin oor matige hitte, skep die uie by en braai die ander kant ook bruin.

Sit dadelik voor saam met roereier as ontbyt, of met rys of kapokaartappels as ligte aandete

Spekvleistertjies

Alta, jy kan die deeg vir die kors ook gebruik vir ‘n groot pastei.

Vulsel:

250g spekvleis, gesnipper of gemaal

125ml kaas, gerasper

Kors:

750ml koekmeelblom

1ml sout

1ml rooipeper

250g botter

1 eier (geskei)

50ml yswater

7ml suurlemoensap

2ml kremetart

Meng spekvleis en kaas.

Sif droeë bestanddele saam. Rasper botter daarin en meng goed. Klits eiergele, water, suurlemoensap en kremetart goed saam. Maak aan tot deeg wat maklik uitrol. Plaas vir 15 minute in koelkas. Rol deeg dun uit, en druk sirkels uit. Plaas bietjie spekvleismengsel op helfte van sirkels. Smeer rande met eierwit. Plaas sirkel bo-op elkeen en verseël rande. Plaas op gesmeerde bakplaat, smeer met eierwit en bak in voorverhitte oond van 220 grade C vir 15 minute of tot ligbruin en gaar.

Gebakte tong met soetsuur mosterdsous

1 beestong (gepekel)

3 kruienaeltjies

15ml bruinsuiker

125ml witsuiker

30ml kookolie

30ml koekmeelblom

3ml sout

60ml mosterdpoeier

5ml peperkorrels

250ml kookwater

12.5ml wit asyn

12.5ml mayonnaise

sap van een suurlemoen

broodkrummels

Rol tong op en bind met tou vas. Kook sag in baie kookwater waarby naeltjies, bruinsuiker en peperkorrels gevoeg is.

Plaas tong op bord wanneer dit sag is en trek die velle af. Laat dit afkoel en plaas in koelkas om goed koud te word voordat dit in skywe gesny word.

Meng witsuiker, koekmeelblom, mosterd, sout en water in bak. Roer mayonnaise en suurlemoensap by.

Pak helfte van tongskywe in vuurvaste bak en skep helfte van die sous oor. Pak res van tong bo-oor en dan die oorblywende sous. Sprinkel broodkrummels oor en bak vir 30 minute teen 180 grade C.

Spesiminiaal v jou Pluimpie! Enjoy!

Bets se tjoklitkoek

Droeë goed

750ml koekmeel (3 koppies)

20ml bakpoeier (4 teelepels)

500ml suiker (2 koppies)

5ml koeksoda (1 teelepel)

80ml kakao (3 teelepels)

Knippie sout

Nat goed

500ml kookwater (2 koppies)

250ml olie (1 koppie)

10ml vanilla essence (2 teelepels)

50ml wit asyn (1 ½ eetlepel)

Gooi al die droeë goed in ‘n bak. In ander bak gooi al die nat goed. Gooi nat goed stadig oor droeë goed en klits bietjie. Wetie hoe lank nie – net tot jy sien alles is mooi gemeng. Gooi in oondpan / koekpan / cupcakes of whatever floats your boat en sit in die oond. O ja – die oond moet vooraf geheat word na 180 *grade teken* en dan bak die koek 20minute en jy’t lekker tjoklit koek!

Maklik né?

Karringmelk beskuit

Maak nie saak of jy glad nie kan bak nie, hierdie resep kan nie flop nie.

Bestanddele:

3 x 500g bruismeel

2 teelepels bakpoeier

2 koppies suiker

500g margarien

1 eetlepel sout

3 eiers

500ml karringmelk

Meng (sif) droeë bestanddele saam. Klits eiers en karringmelk saam. Rasper die margarien en vryf by die meelmengsel by. Gooi eier en karringmelk mengsel by. Knie goed deur.

Genoegsaam vir een groot en een klein broodpan. Vorm balletjies omtrent so groot soos eiers en pak 3 langsmekaar. Andersins ‘n hele bol deeg bietjie gedruk na die kante toe, en sny in blokke wanneer helemal afgekoel.

Bak vir een uur teen 175 grade celsius. Droog uit teen lae hitte.

Enjoy!

Maklike hoender gereg

Kook 1 x hoender met 2 hoenderaftreksel blokkies
2.5 ml naeiltjies (1/2 t)
2.5 ml tiemie
2.5 ml sout tot gaar

Sny in stukke, meng met die volgende:

400 g Blikkie sampioensop
250 ml Suurroom
1 pak Bacon Kips

Plaas in matige oond vir 20 min

(Hoenderdye of -boudtjies kan ook gebruik word.  En die naeltjies is opsioneel)

Bedien met rys en groen slaai.

Lekker eet

Jane

Koffie Varktjops

Hierdie is ‘n groot gunsteling in ons huis. Moenie laat die snaakse bestanddele jou afskrik nie – die eindproduk is heerlik!

Bestanddele

1.5 kg Varktjops
Koekmeelblom met sout en peper gegeur
Kookolie
2 uie, in skywe gesny
30 ml margarien
30 ml kitskoffiepoeier
250 ml kookwater
250 ml asyn
150 ml gouestroop
10 ml Bisto
Sout en peper

Keep die vetrande van die varktjops in. Rol die tjops in die gegeurde koekmeelblom totdat hulle goed daarmee bedek is. Braai die tjops aan weerskante tot goudbruin in net genoeg olie om die bodem van die pan te bedek. Pak die tjops in ‘n groot oondkasserol.

Braai die uie in die margarien tot sag. Los die koffiepoeier in die kookwater op en voeg dit by die uie saam met die asyn, gouestroop en Bisto wat met ‘n klein bietjie water aangemaak is. Geur dit met sout en peper en laat dit opkook; verdik die sous met ‘n bietjie mielieblom wat met koue water aangemaak is indien ‘n dikker sous verkies word.

Gooi die koffiesous oor die varktjops, bak op die middelste oondrak in ‘n voorverhitte oond (150 grade) vir ‘n uur en ‘n half, of tot die tjops lekker sag is. Dien warm op.

Wanneer jy dit uit die oond haal, laat staan dit vir so 10 minute, dan gaan lê al die vet wat uit die tjops gebak het, bo-op, en kan dit maklik afgeskep word om net die lekker sousie oor te laat.

Geniet!

PS. Moenie jou kop oor die pot hou en probeer asemhaal as jy die asyn by die sous gegooi het nie…jy’s gewaarsku!

PPS. Ek maak dit soms op die stoof ook gaar – pot met ‘n dik bodem, stadige hitte, en roer gereeld.

Spinasie tert

Hierdie gereg is nie net heelik vir n laat ontbyt nie – saam met n bak slaai ook n lekker ligte ete

Genoeg vir 8 tot 10 persone
Bereidingstyd: 15 minute
Baktyd: 1 uur
Oondtemperatuur: 180c

Kors
60 ml (60gr) botter gesmelt
170ml (90gr) provita beskuitjies gekrummel
100 ml cheddarkaas gerasper

Vulsel
125 gr gesnipperde swoerdlose spek
2 preie in dun skyfies gesny
600 gr vars spinasie wit stingel gedeeltes verwyder
250 gr room kaas
6 groot eiers geklits
250 ml suurroom
1 en n halwe sirkel feta kaas gekrummel
125ml parmesaan kaas gerasper
Sout en peper na smaak

1.  Maak die kors
Meng die botter, koekiekrummels en chedarskaas in n mengbak. Voer n pan uit met die mengsel en sit in die yskas tot benodig.

2.  Maak die vulsel
Braai die spek in hulle eie vet tot net voordit begin bros raak. Skep uit en dreineer op kombuispapier.  Braai die preie in dieselfde pan oor matige hitte tot sag,  Voeg bietjie botter by indien nodig.  Meng die preie en spek en laat die mengsel afkoel.

Was die spinasie goed en dreineer dit. Sit die een helfte van die spinasie net so in n groot kastrol oor magite hitte en roer totdat dit begin sag word.  Herhaal met die res van die spinasie.  Dreineer die gaar spinasie en druk die oortollige vog met jou hande uit sodra dit afgekoel het.  Kap dit fyn.

3.  Klits die roomkaas, eiers en suurrom tot glad, roer die feta kaas by.  Gooi die spinasie, spek en preimengsel en die helfte van die parmesaan by.  Geur met sout en peper.

4.  Skep die mengsel in die voorbereider kors en bak tot goudbruin en gaar.  Laat die tert vir 10 min staan voordat jy dit sny. Strooi die oorblywende parmesaan kaas oor en sit voor!!

Lekker eet

Dankie Suz.