Bets se tjoklitkoek

Droeë goed

750ml koekmeel (3 koppies)

20ml bakpoeier (4 teelepels)

500ml suiker (2 koppies)

5ml koeksoda (1 teelepel)

80ml kakao (3 teelepels)

Knippie sout

Nat goed

500ml kookwater (2 koppies)

250ml olie (1 koppie)

10ml vanilla essence (2 teelepels)

50ml wit asyn (1 ½ eetlepel)

Gooi al die droeë goed in ‘n bak. In ander bak gooi al die nat goed. Gooi nat goed stadig oor droeë goed en klits bietjie. Wetie hoe lank nie – net tot jy sien alles is mooi gemeng. Gooi in oondpan / koekpan / cupcakes of whatever floats your boat en sit in die oond. O ja – die oond moet vooraf geheat word na 180 *grade teken* en dan bak die koek 20minute en jy’t lekker tjoklit koek!

Maklik né?

Karringmelk beskuit

Maak nie saak of jy glad nie kan bak nie, hierdie resep kan nie flop nie.

Bestanddele:

3 x 500g bruismeel

2 teelepels bakpoeier

2 koppies suiker

500g margarien

1 eetlepel sout

3 eiers

500ml karringmelk

Meng (sif) droeë bestanddele saam. Klits eiers en karringmelk saam. Rasper die margarien en vryf by die meelmengsel by. Gooi eier en karringmelk mengsel by. Knie goed deur.

Genoegsaam vir een groot en een klein broodpan. Vorm balletjies omtrent so groot soos eiers en pak 3 langsmekaar. Andersins ‘n hele bol deeg bietjie gedruk na die kante toe, en sny in blokke wanneer helemal afgekoel.

Bak vir een uur teen 175 grade celsius. Droog uit teen lae hitte.

Enjoy!

Maklike hoender gereg

Kook 1 x hoender met 2 hoenderaftreksel blokkies
2.5 ml naeiltjies (1/2 t)
2.5 ml tiemie
2.5 ml sout tot gaar

Sny in stukke, meng met die volgende:

400 g Blikkie sampioensop
250 ml Suurroom
1 pak Bacon Kips

Plaas in matige oond vir 20 min

(Hoenderdye of -boudtjies kan ook gebruik word.  En die naeltjies is opsioneel)

Bedien met rys en groen slaai.

Lekker eet

Jane

Spinasie tert

Hierdie gereg is nie net heelik vir n laat ontbyt nie – saam met n bak slaai ook n lekker ligte ete

Genoeg vir 8 tot 10 persone
Bereidingstyd: 15 minute
Baktyd: 1 uur
Oondtemperatuur: 180c

Kors
60 ml (60gr) botter gesmelt
170ml (90gr) provita beskuitjies gekrummel
100 ml cheddarkaas gerasper

Vulsel
125 gr gesnipperde swoerdlose spek
2 preie in dun skyfies gesny
600 gr vars spinasie wit stingel gedeeltes verwyder
250 gr room kaas
6 groot eiers geklits
250 ml suurroom
1 en n halwe sirkel feta kaas gekrummel
125ml parmesaan kaas gerasper
Sout en peper na smaak

1.  Maak die kors
Meng die botter, koekiekrummels en chedarskaas in n mengbak. Voer n pan uit met die mengsel en sit in die yskas tot benodig.

2.  Maak die vulsel
Braai die spek in hulle eie vet tot net voordit begin bros raak. Skep uit en dreineer op kombuispapier.  Braai die preie in dieselfde pan oor matige hitte tot sag,  Voeg bietjie botter by indien nodig.  Meng die preie en spek en laat die mengsel afkoel.

Was die spinasie goed en dreineer dit. Sit die een helfte van die spinasie net so in n groot kastrol oor magite hitte en roer totdat dit begin sag word.  Herhaal met die res van die spinasie.  Dreineer die gaar spinasie en druk die oortollige vog met jou hande uit sodra dit afgekoel het.  Kap dit fyn.

3.  Klits die roomkaas, eiers en suurrom tot glad, roer die feta kaas by.  Gooi die spinasie, spek en preimengsel en die helfte van die parmesaan by.  Geur met sout en peper.

4.  Skep die mengsel in die voorbereider kors en bak tot goudbruin en gaar.  Laat die tert vir 10 min staan voordat jy dit sny. Strooi die oorblywende parmesaan kaas oor en sit voor!!

Lekker eet

Dankie Suz.

Poor Man’s Pudding

POOR MAN’S PUDDING

This is so so so quickly, easy and affordable – even bachelors can master this one! By the time you finished your meal, the pudding is ready.

Batter: 125g Margarine                                Syrup: 1½cup boiling water

1½ tbsp Cacao                                                   1k Brown sugar

1 Egg                                                                      3e Cacao

1cup Milk                                                             1tbsp Margarine

¾ cup Sugar

¾cup Milk

½t sp Vanilla essence

Pinch of salt

15mℓ Baking powder

Method (Batter):

-  Cream the sugar and margarine;

-  Add the egg and mix well;

-  Add the dry ingredients and milk in turns, mix well;

-  Add the vanilla essence;

-  Pour into a ring pan;

-  Pour boiling syrup over;

-  Cover with plastic and bake in the microwave for 5 min @ 70% power;

-  Uncover and bake another 5 min @ 70% power.

Method (Syrup):

- Boil all the ingredients in the microwave – approx. 2-3 min.

Ideas:

-  No need to level the cacao spoon – the extra bit gives the pudding a nice rich colour.

-  I add a bit of coffee powder to the batter – amazing results!

Thanx Twattie se Maaikie!

Marmite Balletjies

Chantel se Marmite / Bovril balletjies

1 koppie koekmeel

1 koppie gerasperde kaas

knippie sout

knippie rooipeper

Genoeg melk om ‘n stywe deeg te maak

Verhit die oond tot 180 grade. Meng alles saam. Rol klein balletjies en plaas in gesmeerde oondpan. Bak vir 10 minute.

Smelt 250 g botter en 3 eetlepels Marmite / Bovril saam. Dip die balletjies daarin wanneer dit uit die oond uit kom.

Klink njammies!

Pampoen Poffertjies

Pampoen Poffertjies

350 g geskilde, gaar botterskorsies

3 eiers

30 g suiker

100 g bruismeel

5 ml bakpoeier

5 ml vanielje geursel

5 ml fyn kaneel

Olie vir braai

Meng alles goed en plaas die beslag in die yskas vir 15 minute. Verhit die olie in pan, braai lepelsvol in medium hitte tot goudbruin.

Aarbei Jogurt Tert

Die volgende 3 reseppies kom van Botter af. Waar is julle ander s’n? Eet julle dan nie? Stuur bietjie, seblief tog!

Aarbei Jogurt Tert

Meng 1 pakkie aarbei jellie met 1 koppie kookwater en laat dit bietjie afkoel.

Voeg dan 1 blikkie kondensmelk en 500 ml aarbei joghurt by. Meng goed.

Pak tennisbeskuitjies onder in ‘n tertbak. Gooi die joghurt mengsel bo-oor. Krummel die res van die beskuitjies en gooi bo-oor. Plaas in yskas tot gestol.

Dankie Botter, my liefie vrek oor aarbeie, ek is seker hy sal die ene geniet. Sodra dit eendag ophou reën, gaan ek dit probeer.

Pannekoek

Dit reën nogsteeds, OK? En natuurlik moet pannekoek ook op die lysie wees. Hierdie is die enigste ene wat ek ken. Vermeerder soos wat dit vir jou mense nodig is – die ene lewer so 20 lekker groot pannekoeke.

3 koppies koekmeel

2 knippies sout

2 teelepels bakpoeier

4 koppies water

2 eiers

3 teelepels asyn

6 teelepels olie

Sif die droë bestanddele drie maal saam (dit help glo dat die pannekoeke nie te swaar is nie, en ek sif dit nou al vir 20 jaar 3x!) en maak ‘n holte in die die meelmengsel.

Meng die water, eier, asyn en olie en voeg geleidelik by die meelmengsel terwyl jy dit meng met ‘n houtlepel of elektriese klitser. Laasgenoemde is baie minder moeite. Laat minstens ‘n halfuur staan (ek laat dit sommer ‘n uur staan) en klits dan weer voordat die pannekoeke gebak word.

Ek gebruik ‘n koperboom pan vir my pannekoeke. Maak seker dit is lekker warm. Vir die eerste ene, gooi ek bietjie olie in die pan, maar rerig BAIE min. Daarna het ek ‘n stukkie servet of tissue wat ek in die olie (in ‘n koppie) druk en dan vee ek net die pan daarmee voordat ek ‘n soplepel vol beslag daarin gooi. Die eerste twee flop gewoonlik omdat ek nie die pan kans gee om behoorlik warm te word nie. Geduld werk nie hier nie.  Maar die worsies geniet die floppies!

Hier is ‘n paar ander wenke ook:

• Klop of klits die beslag deeglik om al die klonte op te los. Laat die beslag minstens ‘n halfuur lank staan sodat die meelkorreltjies ‘n kans kan kry om lekker sag te word. Dan is jou pannekoeke heerlik lig.
• As pannekoeke by die groot maat gemaak word, kan 25 ml brandewyn of 50 ml suurlemoensap by ‘n mengsel van 2 kg koekmeel gevoeg word. Dit hou die pannekoeke sag.
• Die beslag kan ook oornag in die yskas gebêre word. Rou beslag kan goed bevries word vir sowat 3 maande.
• Bevries gaar pannekoeke met lae plastiek tussenin.
• Gebruik water of om die helfte sodawater om lekker ligte pannekoeke te maak. Melk is geneig om dit taai te maak.
• Smeer die pan net elke keer liggies met olie. ‘n Piering/koppie olie en ‘n bol opgefrommelde kombuispapier sal goed werk.
• Die pan moet goed warm wees voordat die beslag ingegooi word. Gebruik ‘n soplepel om elke keer dieselfde hoeveelheid beslag in die pan te gooi.
• Kantel die pan heen en weer om die beslag eweredig te versprei.
• ‘n Dun beslag lewer dun pannekoeke. Die beslag sal effens verdik as dit oornag in die yskas gebêre word. Voeg dan net ‘n bietjie water by en klits weer voordat die pannekoeke gebak word.
• Hou pannekoeke warm deur dit opmekaar te stapel en die houer oor kookwater te plaas. In die oond of lou oond sal die pannekoeke taai word.

Jy kan natuurlik jou pannekoeke vul met enige ding wat lekker is. Kaneelsuiker en stroop in vir my bo aan die lys vir pure lekkerte.

‘n Mince-mengsel (selfs kerrie as jy wil) werk wonderlik om dit in ‘n ete te omskep. Vul die pannekoeke met jou vleismengsel, pak dit in’n oondbak en strooi gerasperde kaas oor, bak vir so 10 minute, en jy het ‘n lekker ete. Met roomys en piesangskywe vir ‘n nagereg is uit die boeke uit. Gaan mal! Die moontlikhede is eindeloos.

Sop vir reëndae

Dit reën al van gistermiddag af by ons. Net sulke kort, droeë stukkies tussen in. En as dit reën, soek ek sop of pannekoek of vetkoek of plaatkoekies of al die bogenoemde. Hier is ‘n maklike sopresep, en dis gewoonlik ‘n treffer. Hier moet jy maar hoeveelhede skat vir die magies wat jy wil volmaak.

‘n Lekker groot pot, verkieslik met ‘n swaar bodem, dit kook net eenvoudig lekkerder

Vleis – min of meer 500g (ek verkies om skaapskenkels/shortrib en varkskenkels te kombineer) Sopbene met daai lekker murg in kan ook bygevoeg word (braai dit ook, ja!)

Olie vir braai

Kookwater

2 Uie fyn gekap

2 Tamaties fyn gekap

2 Aartappels gerasper

3 Wortels gerasper

so 2 koppies boontjies fyn gekerf

Jy kan eintlik maar enige groente van jou keuse gebruik

Sout en peper na smaak

Tamatie pasta/sous

Blatjang

1 pakkie 2 minute noodles of ‘n handvol macaroni of spaghetti (klein gebreek)

Enige pakkie sop van jou keuse – ek verkies bruin uie of mushroom sop

Geur die vleis met sout en peper en braai in net genoeg olie om die bodem van die pot te bedek. Dit gee so ‘n lekker geurtjie aan die sop. Skep die vleis uit en dreineer die olie. Gooi dan die vleisies weer terug in die pot, en bedek met kookwater. Kook vir minstens ‘n uur todat alles lekker sag is. Hou die water dop en vul gereeld aan. Hoe langer dit kook, hoe beter eintlik. As ek sop maak, maak ek sop, nie stew nie. Alles moet fyn wees.

Voeg die uie, tamaties, wortels, aartappels en boontjies by. Kook vir nog ‘n halfuur. Gooi tamatiepasta of sous, en blatjang by na smaak. Maak die pakkie sop aan met ‘n bietjie koue water, en voeg by.  Ook nog sout en peper as dit nodig is. Proe! Dis die enigste manier om agter te kom of nog iets kort.

Laat dit prut vir nog 20 minute of totdat die groente lekker sag is. Gooi laaste die noodles of pasta by, en prut tot dit ook sag is. Gedurende die hele proses kan jy water bygooi tot die sop so dik of dun is soos jy verkies.

Smeer ‘n paar broodjies, en roep die hongeres!